Santa Barbara baseliza

24/10/2012
  • Herria:
    Urretxu
  • Deskribapena:
    Situada a la falda del monte Irimo es un lugar de esparcimiento con muy buenas vistas sobre la comarca del Alto Urola.

Irimo mendi-hegalean dagoen aisialdi-toki honek Urola Garaia eskualdeko ikuspegi zoragarriak ditu. Absideari atxikita, serora-etxea dauka, gaur egun jatetxe bihurtua.

Bi errepideetatik igo daiteke:

• Herrigunetik (Nekolalde kaletik), Zumarragatik Urretxura igotzen den malda jarraituz (Areizaga kalea).
• Legazpira doan bidetik (Ipiñarrieta kalea); hasieran, eskuinera doan bidegurutzea hartuko dugu, Lurdesko Amaren elizaren aurrean (Pagoeta). Hiru kilometroko errepidea igo ostean, baselizara iritsiko gara.

Aparkaleku handia, aisialdirako zonak, iturria eta jatetxea ditu.

Barrualdea ageriko harriarekin egina dago, eta azkeneko berrikuntzaren ondoren, erdi-erliebean landutako erretaula nagusia mantendu da. Beheko predelan eszena hauek ikus ditzakegu: “Baratzeko otoitzaldia”, “Veronika Jesukristoren aurrean” eta “Jesusen harrapaketa, erromatar bati belarria mozteko prest dagoen San Pedrorekin”.

Hurrengo maila batean, Santa Barbararen zigortze-eszena bat ikus dezakegu. Erretaularen erdian, berriz, XVIII. mendeko santuaren irudia dago. Mendiaraz egilearen obrak dira biak (1580).

Goialdean, Jesusen bi tailu ikus daitezke, Ama Birjinaren eta San Juanen artean, eta, hori guztia osatzeko, triangelu formako frontoia. Burdina forjatuzko korua eta pulpitua ditu.

Gipuzkoako Batzar Orokorrek  Urretxuri baselizaraino iristen zen bide bat egiteko agindu zioten 1522an, Errege Bide bihurtu zena gero.
1982-83 urteetan, Urretxuko Udalak zaharberritze sakona egin zion. Baselizaren mantentze-lanak Mendizabal baserrikoek egin izan dituzte beti, oinordetzari jarraiki.

Abenduaren lauan egiten da ospakizuna. Meza bakarrik ematen da, eta han gordetako santuaren erlikiari musu ematen zaio. Ospakizunak ekainaren 24ra aldatu dira, eta egun horretan, herri-prozesioa, meza eta ospakizun herrikoiak egoten dira.

Harremanetarako

Santa Barbara baseliza
Urretxu

Ordutegiak eta prezioak

Horarios y precios content goes here.

Fullscreen-Logo
Ermita de Santa Barbara

loading map - please wait...

Ermita de Santa Barbara
43.092412, -2.334364
Ermita de Santa Barbara
Urretxu
  • euskadi-turismoa
  • San Sebastian Region
  • Tierra Ignaciana
  • UGGASA