Jose Mari Iparragirreren irudia ezagutzeko, Urretxuko Udalak ibilbide bat sortu du, eta, parte zaharrean dauden QR kodeak eskaneatuta, Urola Garaiko pertsonaiarik garrantzitsuena ezagutu dezakezu.

Iparragirre Urretxun jaio zen 1820an. Prestakuntza-urteak Zerain, Urretxu, Gasteiz eta Madril artean igaro zituen, bere aitak seminarioan presta zedin nahi zuelako.

Lehen karlistaldiak (1833-40) eta bokazio pertsonalak beste bide batzuetatik eraman zuten: urte nahasiak bizi izan zituen, non foruekiko grinak erbestera eraman baitzuen lehenik, eta emigraziora gero.

[...]