Abendua eta Gabonak ezohikoak izango diren arren, gure eskualdeko baliabide turistikoek abendurako hainbat jarduera eskainiko dituzte.
Ezkioko Igartubeiti Baserri Museoak hainbat jarduera eskaintzen ditu egun hauetarako: erakusketa bat, bisita gidatuak, kabareta… Abenduko zubian, honako ordutegia izango du: abenduaren 5ean eta 8an, 10:00etatik 14:00etara eta 16:00etatik 19:00etara; eta abenduaren 6an eta 7an, 10:00etatik 14:00etara. Bisita gidatuak 11:00etan egingo dira, euskaraz; 12:30ean gaztelaniaz eta 17:00etan euskaraz edo gaztelaniaz.
Abenduko gainontzeko egunetan ohiko ordutegiarekin jarraituko dute: asteartetik ostiralera eta igandetan, 10:00etatik 14:00etara eta larunbatetan 10:00etatik 14:00etara eta 16:00etatik 19:00etara. Aitzitik, abenduaren 24an, 25ean eta 31n eta urtarrilaren 1ean itxita egongo da museoa. Informazio gehiago eta erreserbak: 943 72 51 07 edo igartubeiti@gipuzkoa.eus
Olentzero abenduaren 6an iritsiko da Legazpira, hori bai, aldez aurretik erreserba egitea beharrezkoa da. Bestetik, Euskal Burdinaren Museoa abenduaren 5ean, 7an eta 8an irekiko da, 10:00etatik 14:00etara. Erreserbak eta informazioa Mirandaolako Turismo Bulegotik kudeatzen dira, 943 73 04 28 telefono zenbakian.
Urretxun, Urrelur mineral eta fosilen museoa ohiko ordutegian irekiko da: astelehenetik ostiralera, 10:00etatik 12:30era eta 17:00etatik 20:00etara, eta larunbatetan, 10:00etatik 12:30era. Abenduaren 8an, 24an, 25ean, 26an eta 31n itxita egongo da.
Bestalde, Iparragirreren berrehungarren urteurrenak, Iparragirreri buruzko bisita utzi digu Urretxuko kaleetan zehar, QR kodeen bidez modu autonomoan egiteko. Mapa Kultur-Etxean eta Urretxuko udalaren webgunean lor daiteke. Informazio gehiago: 943 03 80 88
Zumarragan, Antioko baselizak ohiko ordutegiarekin jarraituko du: ostiraletan 15:45etik 17:15era eta larunbat eta igandeetan 11:30etik 13:30era eta 16:00etatik 18:00etara. Zubian, asteburuetako ordutegi bera izango du. Abenduaren 24an, 25ean eta 31n, ordutegi berezia egingo da: 11:00etatik 14:00etara. Informazio gehiago: 616 24 54 63
Antioko Interpretazio Zentroa , ordutegi zabalagoan irekiko da zubian zehar: 10:00etatik 18:00etara. Abenduko gainontzeko egunetan, aurreikusitako ordutegiarekin jarraituko da, asteartetik ostiralera eta igandetan 10:30etik 14:30era eta larunbatetan 12:00etatik 14:30era eta 16:30etik 18:30era. Gainera, abenduaren 29an, 30ean eta 31n larunbatean egiten den ordutegian irekiko da.
Informazio gehiago nahi izanez gero, Urola Garaiko Turismo Bulegoak 10:00etatik 18:00etara irekiko du abenduko zubiaren lau egunetan. Era berean, www.urolagaraia.com webgunea bisitatu edo 943 72 20 42 telefonora dei dezakezue Urola Garaiak eskaini dezaken guztia ezagutzeko.
Udazken Serendipia
Udazken honetan, gerta dadila Serendipia! Urriak 1 11.30 Mirandaolako burdinola martxan XVI. mendeko burdinola batean sartuko gara, Mirandaola Burdinolan. Olagizonek, garai hartako jantziaz atondurik, burdinolako makinaria osoa martxan [...]
Sagardo Astea Igartubeitin urriaren 8tik 14ra
Igartubeiti Baserri Museoak Sagardo Astea ospatuko du urriaren 10tik 17ra. Baserriko prentsaketa zuzenean ikusi ahal izango den urteko aukera bakarra da. Antzerkiak, kirikoketa erakustaldiak eta erakusketak izango [...]
