Antio-Beloki ibilbide paisajistikoa, Beloki mendiaren espazio naturalean, Zumarragan, dago kokatuta.

Ibilbidea, Antioko baselizaren ondoan hasten da eta baselizaren eta haren interpretazio-zentroaren luzapen gisa har daiteke; izan ere, ibilbidean Zumarragako izaera identitarioari lotutako hainbat gune aurkituko ditugu: trena, industria-metalurgikoa, saskigintza, Antioko baseliza eta Legazpi dorretxea. Modu honetan, natura eta iragan historikoa uztartu nahi izan dira. Guzti hau, ibilbideak eskaintzen dituen ikuspegi bikainekin.